O concello de Rianxo acollerá no mes de setembro dúas accións formativas de balde sobre compostaxe e xestión forestal, organizadas polo Laboratorio Ecosocial do Barbanza en coordinación co propio Concello.
As persoas interesadas poden inscribirse enviando un correo a medioambiente@concelloderianxo.gal ou chamando ao 981 86 08 08 (en horario de mañá).
O Laboratorio Ecosocial do Barbanza está financiado con fondos europeos a través da Fundación Biodiversidad do Ministerio para a Transición Ecolóxica e o Reto Demográfico (MITECO), no marco do Plan de Recuperación, Transformación e Resiliencia (PRTR), con fondos NextGenerationEU. A súa coordinación corre a cargo da Fundación RIA.
Para máis información, as persoas interesadas poden consultar a nota de prensa e o cartel da xornada ou contactar co Laboratorio Ecosocial do Barbanza a través dos correos info@barbanzaecosocial.org / prensa@fundacionria.org ou no teléfono 881 150 071.
