O Concello de Boiro saca a licitación as obras de mellora dun camiño rural no lugar de Moimenta, en Macenda. O importe base da licitación é de 91.040,62 euros e a actuación conta co co-financiamento das Axencia Galega de Desenvolvemento Rural (AGADER).
As actuacións que se pretenden levar a cabo son as de regularizar a sección libre do camiño entre o 4,50 e 5,00 metros de sección na vía con faixas laterais que completan o camiño de entre 60 e 75 cm, suficientes para executar a rede de recollida de augas pluviais.
A actuación ten como finalidade a rehabilitación superficial mediante a aplicación dunha nova capa de rodaxe asfáltica para conservar e mellorar as características funcionais de seguridade; así como a protección do conxunto do firme. Ademais vaise incorporar unha rede de recollida de pluviais que evite a maioría das escorrentías de augas de choiva que produce o camiño.
