Este xoves 28 de agosto o Centro Social de Escarabote vai dar acollida a unha nova actividade para a rapazada do concello de Boiro. Trátase de Os contos da leiteira, de OQO Editora, espectáculo encadrado no programa Ler Conta Moito. Será ás 12.00 horas.
Os contos da leiteira dá voz a historias de mulleres intrépidas e tímidas, loitadoras e soñadoras pero tamén á propia condición de feminina, representada por animais que viven esas circunstancias. Contos de heroínas, galiñas valentes, leóns amorosos ou galos fachendosos que nos farán gozar e concienciarnos para que a igualdade sexa unha realidade.
Parta nenos e nenas (De 4 a 12 anos).
