Bealo celebra as súas festas de San Ramón coa tradicional romaría con máis de 260 anos de historia.
O programa das festas continúa o martes con Trébol e JB Son e o mércores broche final con París de Noia e Unión y Fuerza. Como é habitual o programa de actividades de San Ramón remata o domingo 7 de setembro co San Ramonciño pequeno onde haberá polbo e viño a prezos populares, música tradicional e actividades para nenos e nenas.
A concelleira de Cultura, María Outeiral, agradeceu “o gran traballo que leva a cabo a comisión de festas para continuar con estes festexos que teñen máis de 260 anos de historia e son uns dos máis importantes do noso concello xa que despertan un gran sentimento en toda a veciñanza”.
Martes 2 de setembro
12.00h – Misa cantada
Verbena con Trébol e JB Son
Mércores 3 setembro
12.00h – Misa cantada
Verbena con Paris de Noia e Unión y Fuerza
Domingo 7 setembro
12.00h – Misa cantada
Grupo de gaitas
Polbo a prezos populares
16.00h – Actividades para nenos
