A xornada do xoves 3 vén marcada por unha situación meteorolóxica intermedia, cunha combinación de altas presións no Atlántico e unha baixa térmica situada ao norte de Portugal. Este contraste está a provocar unha circulación do nordés intensa que condicionará o tempo nas comarcas do Barbanza, Muros, Xallas e Noia.
Durante a mañá, agárdanse ceos parcialmente cubertos no norte, con presenza de orballos illados. A medida que avance o día, o sol irá gañando terreo no sueste, aínda que pola tarde medrarán nubes de evolución que poderían dar lugar a chuvascos tormentosos.
De cara á noite, os chuvascos iranse xeneralizando, especialmente nas zonas do interior e do litoral oeste, polo que se recomenda precaución en desprazamentos e actividades ao aire libre.
As temperaturas mínimas manteranse sen cambios destacables, mentres que as máximas subirán lixeiramente, podendo superar os 25 °C nas zonas máis abrigadas. A costa superara os 30 graos
O protagonista da xornada será o vento do nordés, que soprará con forza moderada a forte, especialmente nas zonas costeiras. En puntos altos do Barbanza, Muros ou Noia, espéranse refachos puntuais superiores aos 80 km/h.
No mar, prevese marusía forte durante o día e mar de fondo do norte, con ondas entre 1,5 e 2,5 metros.
