O Centro Arqueolóxico do Barbanza (Neixón, Boiro) ofrece un programa de visitas guiadas ao museo e aos Castros de Neixón durante os meses de xullo e agosto. Para participar nas visitas aos castros é necesaria a reserva previa na web do centro.
As visitas guiadas ao museo do Centro Arqueolóxico do Barbanza serán de xoves a domingo ás 11.30h, 12.45h e 18.30 horas. As visitas aos Castros de Neixón serán os sábados 12 de xullo, 2 de agosto e 30 de agosto.
O Centro Arqueolóxico do Barbanza atópase ao carón do conxunto arqueolóxico formado polos Castros de Neixón: Castro de Neixón Pequeno e Castro de Neixón Grande e conta cun museo para dar a coñecer a historia milenaria do Barbanza, atendendo a tres manifestacións culturais o megalitismo da época Neolítica; a arte rupestre da Idade de Bronce e a cultura castrexa da Idade de Ferro.
Máis información no teléfono 647 92 22 10 ou no enderezo electrónico info@centroarqueolóxicodobarbanza.org.
