Aquí Galicia Fest, o programa de Televisión de Galicia que visita cada semana unha localidade galega para crear unha gran festa, recalará esta fin de semana en Noia. Concretamente, farao o sábado 7 de xuño a partir das 11.30 horas na Alameda.
A cita incluirá unha sesión vermú e a gravación do programa da TVG. Estarán presentes as actrices galega Lucía Veiga e Isabel Blanco, co mago Dani Polo, As Liantas (Tamara Pérez e Belén Vara), Ebora, Aquí Galicia Banda, a Banda de Música de Noia, a Orquestra Magos, a agrupación folclórica Os Salgueiriños. Actuará de pregoeiro o contador e actor arousán Carlos Blanco.
