O Concello de Boiro saca a licitación as autorizacións para instalación das atraccións e postos feirais que se instalan con motivo das Festas do Verán 2025, que se celebran do 4 ao 9 de xullo. O prazo de presentación de ofertas está aberto entre o 10 e o 16 de xuño e deberase facer a solicitude mediante sobre pechado no Rexistro Xeral do Concello de Boiro.
As autorizacións que se adxudiquen serán para o período das Festas do Verán 2024, podendo iniciar a súa montaxe o 1 de xullo a partir das 16.00 horas e comezar a súa actividade o 4 de xullo de 2025 ás 18.00 horas ata a madrugada do día 9 ao 10 de xullo de 2025. A retirada producirase nos 2 días seguintes ao 9 de xullo, de tal xeito que ás 24.00 horas do 11 de xullo o dominio público quedará totalmente liberado.
A listaxe de postos e os tipos de licitación, así como toda a información sobre o proceso está dispoñíbel nos pregos que se atopan na páxina web do Concello de Boiro.
