Este sábado 7 de xuño a compañía Matrioshka Teatro presentará en Noia o espectáculo Fala, Fala, Falangueira. Farao ao abeiro do programa FalaRedes da Secretaría Xeral da Lingua, en colaboración coa Concellería de Cultura de Noia que dirixe Pepe Pérez. A cita será a partir das 19.00 horas no Coliseo Noela. A entrada será de balde ata completar aforo.
O espectáculo está orientado a nenos e nenas a partir de 7 anos e as súas familias, preadolescentes e adolescentes.
En palabras de Matrioshka Teatro, estamos ante unha proposta escénica dirixida a nenos e nenas a partir dos seis anos e as súas familias que xira arredor da transmisión da lingua. Inspirada en poemas, cantares tradicionais, cartas, contos… a peza desenvólvese como unha sucesión de xogos. Cunha narrativa aventureira, divertida e máxica, combinada con elementos de teatro físico, cancións, narracións e factores sorpresa, así como co simbolismo da iluminación, transmitirase a mensaxe de que cómpre usar con orgullo a lingua galega.
Fala, fala, falangueira chegará esta primavera a oito concellos da Rede de Dinamización Lingüística, ademais de a Noia.
- 03/05/2025. Lalín. 18:00 h. Auditorio Municipal
- 10/05/2025. Viveiro. 18:00 h. Teatro Pastor Díaz
- 18/05/2025. Allariz . 18:30 h. Casa da Cultura
- 23/05/2025. Ribadumia . 19:00 h. Auditorio Municipal
- 24/05/2025. Vilagarcía de Arousa . 19:00 h. Auditorio Municipal
- 25/05/2025. Monforte de Lemos . 18:00 h. Edificio Multiúsos
- 07/06/2025. Noia . 19:00 h. Teatro Coliseo Noela
- 21/06/2025. Ortigueira . 18:00 h. Teatro da Beneficencia
