No marco dos actos do XVII Encontro de Embarcacións Tradicionais de Galicia (que se celebra do 17 ao 20 de xullo en Ribeira), desenvolveuse este xoves 12 de xuño no Auditorio de Ribeira unha charla sobre A vela: tradición, deporte e paixón, impartida polo veciño de Ribeira, Juan Lustres Lampón. A cita, que contou con gran presenza de público na sala polivalente do Auditorio Municipal, foi presentada por David Fernández, da Real e Ilustre Confraría da Dorna. Tamén asistiron os concelleiros Xabier Vidal, Francisco Suárez-Puerta e Fernando Abraldes.
Lustres mostrou aos asistentes os conceptos básicos e os mecanismos para navegar a vela, “ideal para as persoas que queiran iniciarse neste mundo”. Aparte de ilustrar sobre os conceptos básicos da navegación tradicional, Juan Lustres viaxou até os comezos da vela e a navegación de cabotaxe, contextualizando sobre as embarcacións propias da ría de Arousa.
A charla foi organizada pola Concellería de Cultura e a Real e Ilustre Confraría da Dorna.
