Cando non son os políticos ou os xuíces, son os familiares dos primeiros os que, directa ou indirectamente, vense implicados en casos xudiciais que mobilizan en España aos xornalistas ou pseudoxornalistas que seguen os casos.
Chamados a declarar coma imputados sete xornalistas ben coñecidos en España en relación co caso da parella da presidenta da comunidade de Madrid, Isabel Ayuso. A petición de comparecencia parte do noivo de Ayuso co obxectivo, ao parecer, de investigar algunhas citacións de información na causa do Tribunal Supremo sobre a mencionada causa.
A xuíza citou aos informadores apòs que Alberto González Amador presentara denuncia sobre a publicación polos citados xornalistas das actas do rexistro da Garda Civil no despacho do fiscal xeneral do Estado, a primeira dilixencia posta en marcha polo xuíz Hurtado ao asumuir o caso.
A citación dos xornalistas chama poderosamente a atención debido aos dereitos e deberes que corresponden aos xornalistas e que inclúen o dereito á información (dereito de acceso á información e ás ideas, fundamental para o seu labor); deber de veracidade (verificar a información antes de a publicar); responsabilidade ética (integridade no exercicio do xornalismo); dereito á liberdade de expresión (dereito de expresar as súas opinións e reportar sen censura, dentro dos límites da lei) e deber de respecto á privacidade.
Os xornalistas citados ratificaron que souberon dos termos da confesión de González Amador antes ca o fiscal xeneral. En concreto, ao menos 31 horas antes de que chegase as mans deste e que a información lles veu a través dun membro da Fiscalía de Madrid.
Para a defensa semella claro que se xa sabía da existencia do tan debatido pacto. Polo tanto non habería caso de revelación de secretos.
A primeira información foi a que lles chegou o 12 de marzo, e foi a través dun documento que acredita que durante a mañá do devandjto día xa coñecían amáis que os avogados de González Amador negociaban un pacto. Todo, antes de que chegara esa información a García Ortiz, algo que sucedeu na nota do 13 de marzo.
Segundo informou “la Sexta”, foron os avogados da parella de Ayuso os que pediron que foran os informadores os que declararan coma testemuñas , após que eles tivesen probas ante notario para demostrar que xa tiñan esas negociacións entre o noivo de Ayuso e a Fiscalía.
