O Concello de Boiro e XEA Protección Animal (Xestión Ética do Abandono) van celebrar este venres 6 de xuño unha charla sobre abandono de animais, sobre maltrato e, tamén, sobre a nova Lei do Benestar Animal e as dúbidas que poida ter a poboación sobre como garantir o seu cumprimento e contribuír ao mesmo.
A cita será ás 19.30 horas no Centro Social do Concello de Boiro.
Tocaranse cuestións como os porqués de que se incremente as cifras de abandono animal cada ano, sobre o seguro para animais, sobre o que debemos facer se atopamos un animal extraviado, sobre que facer se perdemos o noso, ou sobre que tipo de formación debemos de realizar para acoller na nosa casa un animal, entre outras moitas cuestións de interese.
Na cita sortearase a alimentación do noso can ou do noso gato durante medio ano.
