O Viveiro de Empresas de Ribeira, no marco do Programa de Sensibilización Emprendemento Cooperativo, acolle este venres 13 de xuño a sesión divulgativa E ti, coñeces a fórmula?, que bota luz sobre o concepto do cooperativismo, o funcionamento das cooperativas e as súas vantaxes en comparación con outros modelos de negocio. A cita, que está programada para este 13 de xuño pola mañá (de 10.00 a 14.00 horas), tamén se dirixe a eliminar mitos e prexuízos sobre o cooperativismo e os procesos de traballo participativos e visibilizar como o emprendemento en cooperativa pode contribuír á mellora da empregabilidade e ao crecemento profesional. Máis datos nos números de teléfono 669 150 809 e 628 557 348.
