Este mes de xuño celébrase a edición 2025 da Mostra da Escola de Teatro Airiños, que contará coa participación das agrupacións teatrais Teatrinclis, coa peza O misterio misterioso dos peixes perdidos, e a compañía PatakaMakabra, que achegará Tic-Tac. Trátase de dúas creacións colectivas dirixidas pola dramaturga Amantia Coello, directora de Teatro Airiños. A estrea destes dous espectáculos (unha función dobre) será o 21 de xuño no Auditorio de Rianxo. Teatrinclis levantará o pano ás 19.30 horas e PatakaMakabra ás 20.30 na Sala Arcos Moldes do Auditorio Municipal.
