O Centro Social de Abanqueiro acolle este venres 16 de maio, véspera do Día das Letras Galegas, o espectáculo Chocolate, a cargo de Teatro Calavera. A función, programada para as 20.00 horas, é unha proposta para público infantil e familiar. A venda de entradas está fixada dende unha hora antes do inicio da función.
Chocolate de Teatro Calavera cóntanos a historia do cociñeiro Antón e a pasteleira Tomasa, que a medida que contan historias lembran ao público o divertido que é cociñar entre amigos, superarse xuntos e e atreverse a afrontar novos retos. Tomasa relata como gañaron o premio Máster Comellón grazas á súa orixinal receita Brocheta de froitas da casa recuberta de chocolate fondue.
Esta actividade mestura narración oral coa posta en escena teatral. Ademais, na segunda parte desenvólvese o obradoiro de cociña Brochetas de froitas con chocolate fondue co cal se procura a participación dos cativos.
