Galicia continuará este sábado baixo a influencia das altas presións, garantindo un ambiente estable e cálido en toda o país .Segundo MeteoGalicia, os ceos manteranse con nubosidade de tipo medio e alto, con algunhas nubes de evolución en zonas altas durante a tarde.
As temperaturas seguirán en ascenso, alcanzando valores elevados. NAs rías baixas esperanse máximas de ata 30ºC e en Santiago de Compostela, 28ºC.
Os ventos sopraran do sueste, frouxos no interior, e do nordés con intensidade moderada no litoral, especialmente na zona de Bares, onde os refachos serán máis fortes.
O noso mar: Vento do leste á mañá, do noroeste á tarde e do nordés á noite, forza 1 a 2 á mañá, 2 a 3 á tarde e 2 a 4 á noite. Mar rizado á mañá, mar ovellado á tarde e marusía á noite. Visibilidade boa. Mar de fondo do noroeste á mañá e oeste á tarde e á noite, con ondas de 0.5 a 1 metros á mañá e 0.5 a 1.5 metros á tarde e á noite.
