Os bombeiros do Parque Provincial de Boiro recibiron este martes 27 de maio pola tarde unha chamada dun particular solicitando o rescate dun gato que caera desde un terceiro andar na rúa Peralto, no concello de Boiro.
O aviso produciuse ás 19:39 horas e no mesmo a persoa propietaria do animal sinalaba que este caera da súa vivenda ata o baixo no que non residía ninguén e tiña unha pata ferida.
Xa no lugar dos feitos, os bombeiros procederon ao rescate accedendo ao baixo desde un primeiro e utilizando unha escada. Tras entregar o gato á súa dona, esta levouno ao veterinario.
