Este venres 16 de maio, véspera do Día das Letras Galegas, vaise celebrar en Rianxo a presentación do libro de poemas Remar, editado polo selo noiés Toxosoutos. A cita será no salón de actos do Auditorio Municipal a partir das 20.30 horas. Trátase dunha publicación colectiva elaborada polo alumnado da aula de introdución á lectura e á escrita poética 2023, no marco do programa de aulas socioculturais e ocio educativo do Concello de Rianxo. Intervirán Noelia Gómez (editora literaria e docente), Julián Bustelo (alcalde de Rianxo) e as persoas participantes nas lecturas: Mª Jesús Frieiro Romero, Sheila Parga Abuín, Silvia Penedo Torres, Mª Consuelo Vázquez Carril, Lorena Gómez Calvo e Mauro Riveiro Suárez.
