Baixo o título As portas do mar, Noia acolle esta fin de semana a duodécima edición da Semana da Historia, un ciclo que busca mergullar aos asistentes no pasado da vila como punto de entrada de peregrinos.
A programación arrinca o sábado coa presentación da guía As portas do mar de Xerardo Agrafoxo e Suso Xogaina no Coliseo Noela, seguida por unha actuación da escola de danza Oitos. Ao longo da semana, sucederanse conferencias sobre distintos aspectos históricos e culturais da ría de Muros-Noia.
O historiador Manuel Mariño del Río falará sobre os naufraxios ocorridos na zona de Testal e A Barquiña, mentres que Santiago Llovo abordará o impacto das fábricas de salgadura na ría.
A xornada do mércores ofrecerá unha paréntese musical con Esperanza Mara e As Lens, quen interpretará pezas inspiradas nos sons do mar. O xoves, Guadalupe Jiménez-Esquinas explorará a cultura do marisqueo, e o venres, o xeógrafo Pedro García Vidal analizará a evolución dos barrios mariñeiros de Noia e Muros.
O ciclo concluirá o sábado 10 cun roteiro guiado por Iria Caamaño, profesora da Facultade de Turismo da UDC, que incluirá unha actuación de Serafín Marcos.
