O Parque Provincial de Boiro recibiu un aviso ás 04:22 h da pasada madrugada por un colector de lixo ardendo na rúa Paio Gómez Chariño, no concello de Rianxo.
Unha vez no lugar, feita a inspección perimetral, os bombeiros comprobaron que se trataba dun incendio nun colector verde, practicamente calcinado á súa chegada, que afectaba a outros colectores que tiña pegados. Procederon á extinción do lume ata que quedou totalmente apagado, evitando que se viran afectados máis colectores.
Os bombeiros remataron a intervención ás 04:46 h.
