Esta fin de semana, o sábado 3 e o domingo 4 de maio, a Asociación de Veciños de San Xoán de Laíño (Dodro) celebra o seu 35 aniversario. Farao cunha completa axenda de actividades que arrinca o sábado cunha misa solemne na honra da Nosa Señora de Santa Cruz o sábado ás 12h e con unha sesión vermú no local social do Montiño a partir das 13h coa actuación da Foliada do Montiño.
O domingo 4 de maio ás 11:30h no mesmo local social haberá unha charla e mesa redonda coa participación dos membros das primeiras directivas desta asociación.
A Asociación de Veciños de San Xoán de Laíño foi fundada no ano 1990 por un grupo de veciños da dita parroquia do concello de Dodro, que sentiron a necesidade de crear unha entidade a través da que poder canalizar as súas inquietudes e defender os seu dereitos coma colectivo.
A creación da Asociación había de servir coma elemento dinamizador da vida en comunidade e tamén sería o canal de comunicación que fixese chegar as demandas dos veciños ante as distintas administracións públicas: locais, autonómica e estatais.
Esta asociación foi a primeira creada e actualmente é a única existente no concello de Dodro. Na actualidade organiza as seguintes actividades: clases de música e baile tradicional, clases de inglés, clases de informática, festivais de Entroido, actos do Día das Letras Galegas, Festival Folclórico, charlas informativas de diferentes temáticas, reunións da xunta directiva, asembleas de socios etc.
