A asociación inclusiva A Creba, focaliza principalmente no Barbanza e centrada en romper barreiras arredor da saúde mental, acaba de poñer en marcha as obras para a construción das súas novas instalacións, na vila de Noia.
Segundo confirmaron fontes da entidade, as obras comezaron coa fachada, illamento exterior, calefacción e climatización. A previsión inicial é que a Asociación Pro-Saúde Mental A Creba poida estrear nova sede antes do remate deste ano.
Este investimento é financiado pola Consellería de Política Social e Igualdade da Xunta de Galicia dentro da convocatoria de subvencións destinadas á realización de programas de interese xeral para fins de carácter social, con cargo á asignación tributaria do 0.7% do imposto sobre a renda das persoas físicas e do imposto de sociedades para o ano 2024.
O proxecto vai permitir reforzar os servizos de atención e coidado, así como a promoción da autonomía das persoas con problemas de saúde mental.
Dende A Creba poñen o foco nas principais vantaxes que vai reportar o inmóbel á comunidade: “O feito de emprazarase no medio da comunidade vai facilitar considerablemente o acceso o servizos comunitarios (C. de Saúde, Concello, Seguridade Social, Inem….), as relacións coa veciñanza e o achegamento as actividades lúdicas e culturais da vila”.
