Rianxo atópase entre os concellos galegos que foi quen de deter o devalo demográfico, tal e como se desprende dos datos recentes publicados polo Instituto Nacional de Estatística (INE), onde se indica que o concello rexistrou unha habitante máis que na mesma data do ano pasado, é dicir, 10.749 veciños e veciñas.
“Se ben non se produce un importante aumento na poboación, trátase dun dato absolutamente extraordinario xa que, por primeira vez en 15 anos, Rianxo non perdeu poboación dun ano para o outro”, destacou Julián Bustelo, engadindo que “esta información que vimos de coñecer supón un punto de inflexión xa que víñamos perdendo de media máis de 50 habitantes por ano e neste 2025, por vez primeira dende o 2010, temos un dato mellor que o ano anterior”.
Bustelo engadiu que “seguiremos traballando para consolidar esta tendencia positiva, creando novos servizos e mellorando os existentes para reter e atraer poboación ao noso municipio”.
