O Concello de Rianxo vén de recibir unha subvención da Consellería de Cultura, Lingua e Xuventude para a adquisición de novidades editoriais para a Biblioteca Municipal, emprazada no céntrico Pazo do Martelo, así como para a mellora das coleccións.
A axuda recibida permitirá, por unha banda, poñer a disposición dos usuarios e usuarias as novidades en galego no momento da súa entrada no mercado, mediante un proceso de compra de libros en formato físico, e por outro, actualizar as coleccións de maneira que lle permita ao persoal municipal mellorar o servizo.
