A asociación de concellos da ría de Muros e Noia (Ría da Estrela) organiza este mes de abril un percorrido polo Camiño de Santiago da Ría da Estrela, dende a vila de Porto do Son até a de Noia. Será o 19 de abril e o trazado, de 16 quilómetros, terá dificultade baixa polo que será un camiño accesíbel para camiñantes de todas as idades e condicións. A saída está fixada para as 9:30 horas do sábado 19 de abril (Sábado Santo) dende a Capela da Atalaia de Porto do Son. A organización habilitará un autobús gratuíto de regreso ás 13:00 horas dende a Estación de Autobuses de Noia. Quen precise máis información ou formalizar as inscricións poden contactar co teléfono 981 76 75 89 ou a través do correo electrónico osoncamina@gmail.com, indicando nome, apelidos, DNI, data de nacemento e teléfono. O camiño encádrase no programa turístico Infinitamente Natural do Concello do Son.
