A Xunta, a través da Consellería de Sanidade, vén de publicar no Portal de Contratos Públicos de Galicia a licitación do subministro de peixe fresco para os hospitais da Área Sanitaria de Santiago de Compostela e Barbanza por un importe de 1.196.360 euros.
O valor estimado do contrato, considerando a duración inicial de 24 meses e as posibles prórrogas, de ata 24 meses, supera os 2,6 millóns de euros.
Estes produtos achegan as necesidades de alimentación de pescados frescos destinados a cubrir as características e os requirimentos establecidos no protocolo de dietas existente na área sanitaria, garantindo ademais un subministro permanente nas súas cociñas.
As empresas interesadas nesta licitación teñen de prazo ata o día 6 de maio para presentar as súas ofertas.
O consumo estimado anual deste produto é de 73.500 kg.
