A Confraría de Pescadores de Aguiño-Carreira, a Asociación de Veciños de Carreira, a Asociación Cultural Francisco Lorenzo Mariño, o Club de Xubilados e veciños da zona organizan unha serie de actividades en recordo do 80 aniversario do afundimento do pesqueiro Cartaxena Nº3.
Este sábado 5 de abril, a partir das 17:00 horas, a Casa do mar de Aguiño, acollerá unha xornada de conmemoración para lembrar o 80 aniversario do trágico afundimento do Cartagena Nº3. Un acto que reunirá a expertos e cidadanía para rememorar un dos acontecementos máis importantes da historia marítima da zona.
Ao longo da xornada, diferentes expertos e convidados poñerán en valor os seus coñecementos sobre os naufraxios, o impacto social e emocional que supuxo para a comunidade este desastre e, sobre todo, manterán viva a memoria das vítimas que perderon a vida naquelas augas. O obxetivo é rendir homenaxe a todos os que xa non están e preservar a súa lembranza para as futuras xeracións.
O programa do evento dividirase en tres partes:
Salón de actos da casa do mar de Aguiño: Ás 17:00 horas, varios ponentes como Marcial Mouzo, Fernando Patricio e Xosé Iglesias, compartirán as súas intervencións sobre os feitos acontecidos e a importancia do Cartagena, na historia local. A Asociación de Veciños de Carreira, proxectará o documental que fixeron no 2015, polo 70 aniversario do naufraxio, con testimonios de testigos que viviron aqueles anos.
Peirao de Aguiño: A continuación, terá lugar unha emotiva homenaxe a cargo do Padre Luis, que rendirá tributo ás vítimas do naufraxio. Así como o solemne cántico representado por Segundo “O Patrón”.
Cofradía: A última parte da xornada será na Cofradía, onde Juan José Prol, presentará o mural feito por el e os demais integrantes da organización do evento, en homenaxe ás vítimas; tamén se presentará unha maqueta realizada á man, por Luis Crujeiras, do barco Cartagena, que representa a memoria de todos os mariñeiros perdidos. Como agasaio, Crujeiras, expondrá a maqueta do Xouba. Para rematar, todos os asistentes serán convidados a un pequeno ágape de agradecemento para pechar a xornada de forma distendida e de fraternidade.
Este evento, de gran importancia para a comunidade de Aguiño e Carreira, serve como recordatorio do impacto das traxedias marítimas na vida das persoas, así como da necesidade de preservar a súa memoria para as futuras xeracións.
