O Parque Provincial de Boiro recibiu aviso este domingo 27 de abril, ás 21:03 horas, informando dun accidente de tráfico con feridos no lugar de Comoxo, no concello de Boiro.
Ao chegar ao lugar ás 21:15 h, os bombeiros comprobaron que o accidente implicaba dous turismos e que a estrada estaba cortada en ambos sentidos. Os dous feridos leves foron atendidos polo persoal sanitario do 061. Tras a evacuación, procedeuse á limpeza da vía, retirando restos de cristais e plásticos, sen ser necesario lavar a estrada.
O servizo finalizou ás 21:48 h. Completou a intervención Tráfico e Garda Civil de Boiro.
