SEA, Solo Empresarial do Atlántico, celebrou na mañá deste 20 de marzo un consello de administración no que participaron o secretario xeral da Delegación do Goberno en Galicia, Alberto de la Fuente; a conselleira e directora económica financeira de SEPES, Belén Medina; o secretario xeral de Industria e Desenvolvemento Enerxético da Xunta de Galicia; Nicolás Vázquez; e a xerente de SEA, Beatriz Sestayo. No transcurso deste consello de administración adxudicáronse oito parcelas en catro parques empresariais: cinco na Laracha, e unha en cada un dos polígonos de Vimianzo, Muros e Chantada. No caso de Muros, David Lestón Iglesias obtén, no parque empresarial muradán, unha parcela de 660 metros cadrados.
Na sesión tamén se destacou “a alta capacidade de autofinanciamento de SEA”, xa que o exercicio lanzou un novo resultado positivo ( 319 057,06 €) e ademais desenvolveuse “con perfecta execución da planificación orzada con anterioridade”, sinalou a xerente da entidade, engadindo que “fixemos fronte ás actuacións previstas, pero estas contas permitirannos acometer outras operacións durante 2025”.
