O Centro Sociocultural Auditorio de Rianxo acolle este mércores 12 de marzo en horario de tarde, entre as 16.00 e as 18.00 horas, unha Xornada sobre epilepsia na que se nos achegarán claves sobre como recoñecela e como actuar ante un episodio deste trastorno cerebral nunha persoa do noso entorno. O programa de actividades inclúe un contacontos destinados a crianzas de 5 anos en adiante e un obradoiro de formación sobre a epilepsia.
Contarase coa presenza de Andrea Lozano, divulgadora e axente sanitario, Álvaro Juiz, neurólogo do Hospital Clínico Universitario de Santiago, Felipe Barral, diplomado universitario da unidade de neurocirurxía, e Luisa Martínez, presidenta de UGADE.
Organiza UGADE (Unión Galega de Epilepsia), CRA de Rianxo e Concello.
