Portos de Galicia mantén unha intensa axenda de encontros coas entidades pesqueiras e concesionarios das instalacións portuarias autonómicas co obxectivo de abordar as necesidades actuais e traballar no deseño de solucións eficaces.
Neste marco, o presidente de Portos de Galicia, José Antonio Álvarez, reuniuse co patrón maior, Daniel Formoso, e co secretario da Confraría de Pescadores de Muros, José Antonio Rama, para analizar a situación actual do porto desta vila coruñesa.
O presidente de Portos destacou a importancia da colaboración entre a entidade pública e a confraría para mellorar a xestión da infraestrutura portuaria e asegurou a súa disposición para atender as necesidades dos usuarios co obxectivo de reforzar a actividade no peirao. Ademais, trasladou o agradecemento da confraría á Garda Civil pola detención dos responsables do roubo de nasas a profesionais do sector no recinto portuario.
Finalmente, Álvarez subliñou a importancia da colaboración cidadá para garantir a seguridade nas instalacións portuarias e evitar incidencias que afecten ao sector pesqueiro.
