Este venres 14 de marzo celebrouse finalmente a XXXIX edición dunha das grandes citas do Entroido do Barbanza: o Rally París-Dakar de Noia (logo de ser sido adiada esta convocatoria 2025 dende a data inicial do 7 de marzo, por mor do mal tempo). O rally comezou na explanada de Labarta sobre as 21.00 horas, e cun percorrido que pasou polo Paseo Antón Avilés de Taramancos e as rúas Francisco Romero Blanco, Calvario e Rosalía de Castro, amenizado todo o conxunto da comitiva pola charanga BB+ e da disco móbil Chocolate.
O desfile veu con mancheas de premios, cunha contía total de 7.000 euros a distribuír entre as propostas máis creativas das categorías individual, familias, comparsas e grupos. O Concello, organizador da actividade, felicitou a participación de todas as persoas que contribuíron (individualmente, en parella ou en grupo) co seu esforzo e coa súa creatividade a facer brillar esta nova edición do rally entroideiro.
Damos conta dos premios:
Categoría Comparsa
3º Premio: Tarde Mal e arrastro (300 €)
2º Premio: Canguro Park (400 €)
1º Premio: Ti Máis Eu (500 €)
Categoría Grupos
O Señor dos Anillos de Aspas (500 €)
Xardín Armatroulas (900 €)
Entre Arlequines e pallasos (1.300 €)
1º Premio: Aromas de Entroido (2.000 €)
Categoría Individual
2º Premio: O Trasno de San Lois (100 €)
1º Premio: Baila co Vento (200 €)
Categoría Parellas
2º Premio: Amor Monstruoso (200 €)
1º Premio: Noia Cultura no Camiño (300 €)
Mencións Especiais (100 € cada unha)
Autopista Berberecho
A Carnavaleira do Barbanza
Os Gamusinos
Premio á Simpatía (disfraces locais)
Circo Xirarei (300 €)
Premio ao Humor e Máis Choqueiro (disfraces locais)
As Galaicas en Río (300 €)
Quen queira ver fotos dos premiados, tenas á súa disposición no Facebook municipal de Noia.
