Dende o Concello de Boiro anuncian que esta semana do 10 de marzo dá comezo o proceso de limpeza e acondicionamento dos areais logo da tempada de choivas máis fortes para a súa posta a punto de cara a primavera e a época estival. Dicir que os traballos xa comezaron polas praias de Barraña-Saltiño e faranse paseniño en todos os areais do municipio.
Deste xeito é esta época do ano cando se leva a cabo unha limpeza mecánica para retirar a capa de residuo depositada na superficie areosa por mor das mareas e dos temporais do inverno, aplanando a superficie e deixándoa limpa dos residuos traídos polo mar. Engadir que, amais do acondicionamento da superficie areosa, de xeito parello realízase a limpeza e rozado das zonas axardinadas, os paseos e os accesos.
