Este mércores, unha nova borrasca Konrad, achegarase ao suroeste de Galicia, incrementando a inestabilidade atmosférica debido á presenza de aire frío en altura. A xornada comezará con néboas en zonas do interior, que darán paso a ceos con nubes e claros.
Pola tarde, os chuvascos estenderanse de forma xeneralizada, podendo acadar intensidade moderada. A cota de neve situarase nos 1.200 metros ao final do día. As temperaturas experimentarán un descenso lixeiro a moderado. O vento soprará frouxo do sur-suroeste pola mañá, rolando a nordés pola tarde e adquirindo moderada intensidade no litoral.
O xoves unha borrasca situada na península deixará unha circulación do nordés moi marcada en Galicia. Con isto, teremos ceos con alternancia de nubes e claros, con chuvascos máis probables na metade norte do territorio. A cota de neve arredor dos 1000 metros. As temperaturas sufrirán un lixeiro a moderado descenso. Os ventos soprarán do nordés, moderados en xeral, fortes no litoral atlántico.
O noso mar: Vento do sueste á mañá, do noroeste á tarde e do nordés á noite, forza 2 a 3 á mañá e á tarde e 2 a 4 á noite. Mar ovellado á mañá e á tarde e marusía á noite. Visibilidade boa á mañá e regular á tarde e á noite. Mar de fondo do noroeste á mañá e á tarde e oeste á noite, con ondas de 1 a 2 metros á mañá e á tarde e 0.5 a 1.5 metros á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
