A parte frontal dun vehículo ardía esta tarde na estrada C-550, no Concello de Noia a raíz dun impacto entre dous turismos. Os bombeiros do parque Provincial de Boiro foron alertados e acudiron a sufocalo.
O incendio foi provocado por mor dun choque no que un dos coches impactaba por detrás ao outro. Aínda que o golpe foi leve, provocou que a parte do motor dun dos vehículos implicados comezase a arder facendo precisa a intervención de efectivos do corpo de bombeiros do parque Provincial de Boiro.
Cómpre destacar que non houbo danos persoais no lugar do incidente.
Completou o operativo o GES de Noia, a Policía Local e a Garda Civil de Tráfico.
