Este sábado celebrouse en Surribos (Abelleira) un emotivo acto en lembranza e recoñecemento ás mulleres do serradoiro, que durante anos desempeñaron un labor fundamental na economía local. Estas mulleres, cunha dedicación incansable, cargaban madeira e contribuían ao sustento de moitas familias do Concello de Muros, aínda que a súa historia permaneceu durante moito tempo esquecida.
“Reafirmamos un compromiso: que a historia das mulleres traballadoras do noso concello nunca volva quedar no esquecemento”, declarou a alcaldesa de Muros, María Lago, durante o acto.
O evento contou coa organización da Asociación de Veciños A Ostreira e a colaboración da Escola de Música Municipal de Muros, que lle puxo banda sonora á homenaxe. O Concello de Muros expresou o seu agradecemento a todas as persoas asistentes, así como a Delia, Lola e Ernestina, que compartiron as súas lembranzas, dando voz a todas aquelas mulleres imprescindibles no pasado da comunidade,
