Este sábado 15 celébrase un Café Feminista en Muros, unha das actividades encadradas no programa do 8M (Día Internacional da Muller) do Concello (Concellería de Igualdade). Será no local social de Surribos (Abelleira) a partir das 17.30 horas. Tocaranse temas como a carga mental ou multitasking (a capacidade de realizar varias tarefas de xeito simultáneo) ou, tamén, como impactan os mandatos de xénero na calidade de vida das mulleres. Contarase coa presenza das psicólogas Áurea Brea e Alba Souto, que establecerán “un diálogo coas persoas asistentes coas que terán resolver as súas dúbidas e inquietudes arredor dos ditos conceptos”, segundo explicou Maruxa Martínez, concelleira de Igualdade de Muros.
