Xa se vai achegando a festividade de San Valentín (este venres 14 de febreiro) e as asociacións empresariais da nosa comarca preparan diversas actividades dirixidas a festexar o Día dos Namorados e, ao mesmo tempo, reivindicar o comercio local. É o caso de Noia Histórica, que nos propón “deixar os macarróns para outro día” e “sorprender á nosa persoa especial” cunha das tres ceas que sortea a patronal. Para participar, só teremos que subir á web os tíckets que obteñamos coas nosas compras ou consumicións nos establecementos comerciais locais asociado, entre o 5 e o 16 de febreiro. O sorteo levarase a cabo o 17 de febreiro.
