Dúas persoas foron excarceradas logo de colidir dous coches en Ames eran as condutores de cada vehículo.
O primeiro aviso que chegou ao 112 Galicia foi arredor das 14:00 horas. A través del informouse dun choque frontal no quilómetro 6 da AC-544, con persoas feridas e atrapadas no interior dos turismos.
Sen agardar, desde o Centro Integrado de Atención ás Emerxencias 112 Galicia compartíronse os datos do suceso co Servizo de Urxencias Sanitarias de Galicia-061, que mobilizou ata o punto o helicóptero medicalizado con base en Santiago, cos Bombeiros de Santa Comba e os de Boiro, co GES de Brión, coa Garda Civil de Tráfico e coa Agrupación de Voluntarios de Protección Civil de Ames.
As dúas vítimas, que segundo os servizos de emerxencia na zona atopábanse feridos de gravidade logo do impacto, foron excarceradas polos membros do GES de Brión para que posteriormente fosen atendidas polo persoal sanitario.
ACTUALIZACIÓN: Os servizos de emerxencias confirmaron o falecemento dunha das condutoras implicadas.
