A mostra “Os Maragatos da Porta de San Pedro” recala na Biblioteca Ánxel Casal de Santiago

04 Febreiro 2025

A mostra Os Maragatos da Porta de San Pedro xa se pode contemplar estes días na Biblioteca Pública Ánxel Casal de de Santiago. A exposición foi inaugurada este luns 3 de xaneiro e ficará visíbel até o día 15 deste mesmo mes. A mostra está organizada polo Colectivo Exeria e a Fundación Pérez-Carro, e estivo aberta na Biblioteca Provincial de Lugo desde comezos do pasado mes de decembro. O co-impulsor da exposición é o colaborador deste medio Xulio Xiz.

Está composta por doce paneis (en galego e castelán), e unha vitrina con obxectos e documentos, e recolle un resumo da historia da familia Pérez-Carro, asentada en Lugo desde 1880, e o seu importante papel comercial e social na cidade no decurso destes 145 anos. Os contidos da exposición están recollidos no catálogo que se entrega gratuitamente aos visitantes.

Na inauguración interviñeron Jesús Torres, director da Biblioteca; Xulio Xiz, coautor da exposición, e o secretario xeral da Lingua da Xunta de Galicia, Valentín García Gómez, e nela participaron os deputados por Lugo no Parlamento de Galicia, José Manuel Mato e Nicole Grueira; o xornalista lucense Lois Celeiro e membros das familias Carro Otero e López Carro, de Santiago, familiares dos Pérez-Carro lucenses.

Na segunda quincena de febreiro, esta exposición estará na Biblioteca Miguel González Garces, de A Coruña, e na primeira quincena de marzo na Biblioteca Provincial de Pontevedra.

Outros artigos

Boiro sumou forzas contra o cancro cunha cadea humana no centro da vila

A Asociación Española conta o Cancro de Boiro conmemorou na tarde deste sábado 17 de outubro o Dia Mundial da Loita contra o Cancro de Mama, que se celebra o 19 de outubro, cunha gran cadea humana e a realización dun lazo na rúa peonil de Boiro. Durante estes días o...

+

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.