A Cámara de Comercio de Santiago segue promovendo, a través do Programa Acelera Peme, o impulso da dixitalización e a seguridade xurídica dos pequenos e medianos empresarios coa organización de dúas novas xornadas formativas clave para o futuro das pequenas e medianas empresas e das persoas autónomas.
A primeira xornada, Medidas legais para protexer o meu negocio en Internet, será o 11 de febreiro, a partir das 10.00 horas, centrarase en proporcionar ao empresarios as ferramentas necesarias para protexer os seus negocios online fronte a posíbeis riscos legais. Ramón Rey, director de Castelao Abogados (bufete centrado nos dereitos de autor, a propiedade industrial e o dereito dixital) e profesor de Xestión de Dereitos de Propiedade Industrial en UNIR, ofrecerá claves sobre a normativa vixente, o cumprimento da Lei de Protección de Datos e as melloras prácticas para asegurar a seguridade xurídica no entorno dixital.
A segunda xornada, convocada en colaboración coa oficina Acelera Peme e a Asociación de Comerciantes e Profesionais de Noia Histórica, celebrarase o 19 de febreiro, a partir das 10:00 horas baixo o epígrafe O último sobre a factura electrónica en España: Lei Antifraude (Veri Factu) e Lei Crea e Crece. Nesta sesión profundarase nos cambios lexislativos que afectan á facturación electrónica e como as pemes poden adaptarse ás novas exixencias. Os participantes coñecerán, da man de Daniel Cerqueiro, CMO de Docuten, empresa especializada en sinatura dixital e facturación electrónica, os detalles da nova Lei Antifraude, que introduce a obrigatoriedade da factura electrónica en determinadas operación, e a Lei Crea e Crece, que facilita a dixitalización e a xestión empresarial.
Ambas xornadas están deseñadas para proporcionar aos empresarios os coñecementos necesarios para ampliar coas normativas legais e optimizar a xestión do seu negocio no entorno dixital. Estas accións formativas son de balde e telemáticas, previa inscrición na web da Cámara, e están abertas a odas as pemes e persoas autónomas interesadas en mellorar a súa competitividade e adaptarse aos novos retos tecnolóxicos e regulamentarios.
