Soben as peaxes da AP-9: viaxar entre Vigo e A Coruña custa xa máis de 20 euros

01 Xaneiro 2025

O prezo da peaxe na Autoestrada do Atlántico incremétanse de media un 5,34 %

O incremento das peaxes da AP-9 para o ano 2025 duplica o do IPC de decembro, que pechou 2024 nun 2,8 %. O Ministerio de Transportes destaca que as bonificacións aumentan para os usuarios frecuentes e os transportistas.O prezo da peaxe na Autoestrada do Atlántico subirá de media un 5,34 %. Pero a suba non é uniforme. Cada treito ten un custe por quilómetro diferente e unha suba diferente.

O treito entre Ferrol e A Coruña pasa a custar 5,90 euros; ir da Coruña a Santiago custa 8,40; de Santiago a Pontevedra, 7,20; e de Pontevedra a Vigo 4,85. Facer o traxecto completo desde Ferrol a Tui custará 26,85 euros desde este primeiro de xaneiro, e facelo desde A Coruña a Vigo 20,45 euros, tras subir algo máis dun euro. 

As bonificacións para transportistas e condutores frecuentes tamén se aplicarán na AP-53, onde as tarifas subirán un 3,89 % a partir deste mércores.

Segundo o Ministerio de Transportes, o incremento autorizado responde, fundamentalmente, ao crecemento do índice de prezos ao consumo, tal como contempla a Lei, e ás medidas extraordinarias e temporais aprobadas a finais de 2022 para limitar a alza das peaxes ao 4 % en 2023.

A finais de 2022, habilitouse unha subvención para mitigar os efectos da alta inflación, xa que se debería aplicar unha subida de entre o 8,4 % e o 9,5 %, e estableceuse a obrigación de eliminar a devandita subvención a finais de 2026, é dicir, de ila repercutindo ao usuario de formagraduada no prazo de tres anos.

Hai que ter en conta que a subida de tarifas é acumulativa, de aí a necesidade de repercutir novamente ao usuario a diferenza que non abonou en 2023, aínda que aos poucos. De non continuar en 2025 coas subvencións xa previstas, a alza das peaxes oscilaría entre o 5,98 % e o 7,72 %.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.