O Concello de Rianxo e AGADEA Alzhéimer organizan unha nova xornada formativa destinada a profesionais dos coidados e a atención das persoas con deterioro cognitivo. Desta volta o asunto a tratar será o Documento de Instrucións Previas, un documento que expresa a conformidade dunha persoa en relación á asistencia sanitaria, cando esta non pode expresar a súa vontade, fundamentalmente no final da súa vida. As persoas que teñen interese en acudir poden mandar un Whatsapp ao 622883139. Será o 12 de febreiro no Centro Sociocultural do Liceo, de 17.00 a 19.00 horas. Os contidos vainos impartir Ana Isabel Guillén Vilanova, xefa do Servizo de Traballo Social da Área Sanitaria de Santiago e Barbanza.
