O Nadal no Barbanza vai ter unha cita imprescindíbel este sábado 4 de xaneiro no Centro Cultural de Taragoña, onde poderemos desfrutar das actividades organizadas pola Comisión de Festas de Taragoña coa colaboración do Concello de Rianxo. A axenda inclúe a celebración da terceira edición do Torneo de Truco, a partir das 19.00 horas, con seis premios para as persoas participantes. A festa continuará ás 21.00 horas, co Bingo de Reis do Centro Cultural de Taragoña (no segundo andar), que contará con servizo de bar e que inclúe o sorteo dunha Smart TV de 55 polgadas.
