O Centro Arqueolóxico do Barbanza, emprazado na contorna do Castro de Neixón (Boiro) vai dar acollida este sábado 25 de xaneiro a unha xornada de traballo creativo: un obradoiro de bonecas prehistóricas recortábeis. Será ás 11.30 horas e terá aproximadamente unha hora de duración. A actividade irá destinada a rapazada de entre 6 e 12 anos no que descubrir e manipular réplicas de ferramentas prehistóricas e bonecas con traxes e elementos da época, ao tempo que se mergullan no mundo dos poboados castrexos e en como debeu ser o seu día a día. As persoas interesadas en acudir deberán solicitar información ou formalizar a súa inscrición a través da web do Centro Arqueolóxico do Barbanza.
