O Concello de Noia abriu este 27 de xaneiro (e até o 12 de febreiro) o prazo para realizar a inscrición nos servizos de conciliación familiar do Entroido e da Semana Santa, dirixido a achegar tempo de lecer á rapazada durante as vacacións e alternativas para que as nais e os pais poidan desempeñar con normalidade a súa vida laboral. A concelleira de Servizos Sociais, Marisol Villar, explicou que os concilias van dirixidos a nenas e nenos de 3 a 12 anos en horario de 8:00 a 15:00. A inscrición pode realizarse no rexistro de entrada do Concello. As prazas son limitadas. A listaxe cos nomes das persoas admitidas e excluídas publicarase o 17 de febreiro para o Concilia de Entroido e o 24 de febreiro para o Concilia de Semana Santa.
