A patronal noiesa, Noia Histórica, vai celebrar o Nadal cunha nova campaña que pon o foco nas múltiples e variadas vantaxes de mercar en clave de proximidade. A Campaña de Nadal, que se presenta baixo o lema Noia preto de ti, foi dada a coñecer nos seus detalles pola presidenta de Noia Histórica, Alba Expósito, e polo concelleiro de Comercio, José Pérez, que fixeron saber que as actividades desenvolveranse entre o 13 de decembro e o domingo 5 de xaneiro e que un dos “puntos fortes do programa” é o sorteo de catro dispositivos móbiles iPhone 15, un importante agasallo acordado polos propios comerciantes e que está valorado en 900 euros por unidade.
Ademais, a programación inclúe un Tren Infantil para a rapazada asistindo polos axudantes de Papá Noel e as/os paxes reais, que este ano estará operativo durante catro xornadas: os días 23 e 24 de decembro e os días 3 e 4 de xaneiro.
Ademais, veciños e visitantes desfrutarán o día 21 dunha gran chocolatada popular servida na praza do Curro, ás 18h, á que poderán ir todas as persoas presenten tíckets para a degustación obtidos polas compras locais deste día.
A maiores, os días 24 de decembro e 4 de xaneiro, 2 elfos repartirán caramelos entre os clientes de Noia polas rúas e tendas do centro comercial aberto.
A Campaña de Nadal inclúe música todo o día nas rúas no centro histórico de Noia.
A campaña está patrocinada polo Concello de Noia, Xunta de Galicia e Deputación de Coruña.
