Dende a Área de Cultura do Concello de Noia informan que este 26 de decembro pola tarde e máis o venres 27 de decembro podemos levar os nosos décimos da Lotería de Nadal (anotando o noso nome e o DNI no reverso) á urna habilitada na rúa do Curro para optar a un dos premios achegados para “despedir o ano en Noia como se merece” e reivindicar o comercio local, premios que xuntan 2.500 euros para a veciñanza. Os agasallos (para gastar e investir nos establecementos noieses) inclúen 1 premio de 1000€, 1 de 500€, 1 de 300€, 3 de 100€, e 10 de 40 €.
Cultura do Concello tamén lembra que as persoas que leven os seus décimos deben estar presentes no momento do sorteo que se realizará o día 27 a partir das 21:00 h para reclamar o seu premio.
Por certo que os números premiados serán cantados polos famosos “nenos de Pontenafonso”.
Esta pre-despedida do ano contará ademais este venres 27 de decembro cunha a actuación musical de Chiña ás 20.00 horas e, logo, co gran sorteo de Nadal das 21.00 horas, seguido doutra actuación de Chocolate Disco Móbil.
