A entidade repartiu elementos decorativos realizados polas persoas usuarias dos talleres de laborterapia que desenvolve a entidade en concellos das
provincias da Coruña e Pontevedra, entre os que se atopan en Ribeira, Boiro, Aguiño, Rianxo, Santiago, Teo, Trazo, Vedra, Cuntis e a A Estrada,
Esta campaña serve para fomentar a conciencia sobre o Alzheimer e outras enfermidades neurodegenerativas, ademais de para fortalecer os lazos das persoas maiores coa comunidade.
A asociación Agadea Alzheimer está a levar a cabo unha iniciativa solidaria estas semanas ao repartir entre centos de comercios locais da
comunidade, elementos decorativos feitos a man polas persoas usuarias da entidade nos seus talleres de laborterapia.
Un dos aspectos máis destacables desta campaña é que os agasallos son entregados in situ en cada un dos comercios participantes, reforzando o vínculo das persoas coa súa comunidade e contribuíndo á súa socialización.
Para darlle aínda máis alcance a esta iniciativa, paralelamente, está a levarse a cabo unha campaña de difusión nas redes sociais da iniciativa, co obxectivo de fomentar o apoio ao pequeno comercio e sensibilizar á poboación sobre a realidade do Alzheimer e outras enfermidades neurodegenerativas.
A entidade destacou, de forma especial a importancia de “fortalecer os lazos das persoas maiores coa comunidade en a que viven” ademais de dar “maior visibilidade para os comercios locais”.
