A pasada semana o Concello de Outes desvelou o nome do establecemento finalmente gañador do da 3ª edición do concurso local enOutes de Tapas!, cuxa nova edición desenvolveuse entre o 22 de novembro e o 1 de decembro. Segundo confirmou o Goberno local, o concurso condecorou a tapa do Restaurante Pepe do Coxo, que obtivo a maior puntuación tanto por parte do público como do xurado profesional. Ademais, sorteouse unha cea para 2 persoas entre os participantes, resultando gañadora Sonia García Gosende.
A través deste certame, veciñanza e visitantes puideron degustar e valorar as racións en formato pequeno deseñadas pola hostalaría local especificamente, para este evento. Nesta edición participaron 8 establecementos e a cidadanía valorou as tapas que probou a través dun “pasaporte” no que se cuñaron as visitas aos diferentes locais que foron realizando.
Este ano participaron Asador Albatros, A de Vila, Pepe do Coxo, O Taboleiro, John Turkey, Centro Social, Areal e Restaurante Fera.
Lembrar que na II edición do #enOutesdeTapas, certame local impulsado co obxectivo de reivindicar a gastronomía do municipio e visualizar e dinamizar o bo facer do sector hostaleiro, a tapa mellor valorada e que recibiu o premio conxunto dos membros do xurado e dos participantes foi tamén para o Restaurante Pepe do Coxo, do Freixo, grazas ao seu Polbo crocante (Pulpo crujiente).
